Ikastaro honen bidez Gora Teloia! Antzerki gida partekatu nahi dugu, ikastetxeetan edo neska mutilekin lanean ari diren irakasle edo monitoreei antzerkia erabiltzeko tresnak eskaini nahi dizkiegu, antzerkia modu baikor eta baliogarrian egin ahal dezaten.

Sorkuntza geroz eta garrantzitsuagoa den garai hauetan, antzerki eta hezkuntza alorrean eskarmentua dutenen eskutik haien esperientziak partekatu nahi ditugu oso modu praktikoan.

Besteak beste, honako gai hauek izango ditugu gogoan:

• Antzerkiaren garrantzia gorputzaren, ahozkotasunaren eta emozioen adierazpena garatuz
• Antzerkiaren garrantzia hizkuntza lantzerakoan, sorkuntzan, baloreen lanketan, inklusioan, elkar-lanean,…
• Literatura dramatikoa genero literarioa da. Irakurketa sustatzea
• Nola prestatu urte osoko lana: nondik hasi eta nola iritsi jarri den helbururaino, bidean galdu gabe.
• Nola landu antzerki mota ezberdinak: zirkoa, pailazoa, mimoa, testu antzerkia, esketxak, txotxongiloak…
• Antzerkia jende aurrean egitearen garrantzia. Balorean jarri antzerkiaren garrantzia: pertsonala, kideen artekoa eta soziala
• Sormena garatzeko tresnak eskaini. Irudimena landu.
• Talde lana egiteko, inklusiorako, baloreak lantzeko, gatazkak bideratzeko… antzerkiaren inguruko tresnak nola erabili
• Antzerkiaren inguruko lanbideak: dekoratua, jantziak, argiztapena, ekoizpena, musika, zuzendaritza, etab. Garrantzia eman eta landu

Ariketak eta jolasez gain, antzezlan bat zutik jartzen laguntzeko tresnak eskainiko ditugu eta hori egin ahal izateko urratsak landuko dira.

Eta antzerkia gutxiesten duten topikoak hautsi!