Ali Baba eta 40 lapurrak
Guztiok aski ezagun dugun istorioa, inoiz ez bezala kontatuta. Ali Baba, Persiako herri batean bizi den egur biltzaile txiroa da. Egurra biltzen basoan dabilen batean, zarata izugarri batek beldurtuko du. Zuhaitz baten adarren artean ezkutatu eta 40 lapur ikusiko ditu mendian dagoen harkaitz erraldoi baten aurrean gelditzen.
Lapurren buruzagiak “ireki zaitez sesamo” esatearekin bat, kobazuloa ireki egingo da.
Aktoreak
Asier Sota
Aktorea
Imanol Espinozo
Aktorea
Anartz Zuazua
Aktorea eta zuzendaria
Kritika
Ireki Sesamo
2014ko azaroaren 20a ocioparapeques egina
Mercedes Gómez-ek, Ocio para Peques-eko kolaboratzaileak, idatzitako kritika
Ez dut exageratzen denboraldi honetan ikusi dugun ikuskizun onenetako bat dela esaten badut. Ilobak eta nire alaba (5 eta 8 urte bitartekoak) liluratuta geratu ziren Borobil antzerki taldeak ipuin herrikoiari egindako moldaketarekin.
Eszenaratzeak istorioan bete-betean murgildu zituen lehen unetik eta gortina jaitsi arte ez zituzten begiak oholtzatik kendu. Etengabe txalo jotzen zuten. “Zein denbora laburra izan zen”, esan zuten larrituta zeuden haurrek. “Gehiago nahi dugu “.
Eta muntaia apartekoa da. Hiru aktore bikainek eszenatokian agertzen diren dozena bat pertsonaiari baino gehiagori ematen diete bizitza txikien artean nahasmendurik sortu gabe. Ali Baba bidelapur zein merkatari bilakatzen direlarik.
Gainera, aparteko gaitasuna dute Pertsiako hiri bateko bazar handira, basora edo 40 lapurren kobazulo mitikora garraiatzeko alfonbra sinpleen laguntzarekin dekorazio gisa.
Egia da eszenaratzea txikientzat diseinatuta dagoela, baina helduei 55 minutu goxo gozatzea ere eragiten die, gure haurtzaroko istorio klasikoetako bat gogoratzeko. “Ireki Sesamo”.